Description
ფილა „კალიფორნია – ხის ეფექტი“ 30×30 სმ ზომით და 3 სმ სისქით წარმოადგენს თანამედროვე და ბუნებრივ სტილზე მორგებულ იდეალურ არჩევანს ეზოსა და ბილიკების მოსაწყობად. აღნიშნული ფილა გამოირჩევა ხის ტექსტურის ეფექტით, რაც სივრცეს სითბოსა და ბუნებრივ ელეგანტურობას მატებს, ხოლო ბეტონის სიმტკიცე უზრუნველყოფს მის გამძლეობას. ფილა დამზადებულია მაღალი ხარისხის მასალისგან, რის შედეგადაც იგი მდგრადია ამინდის ცვლილებებისა და ცვეთის მიმართ. ეს ფილა მარტივად ეწყობა და ქმნის ერთიან, ჰარმონიულ ზედაპირს, რაც მას საუკეთესო გადაწყვეტად აქცევს როგორც კერძო, ისე კომერციული სივრცეებისთვის.
ფილა საუკეთესო საშუალებაა ეზოების, ბაღის ბილიკების, სკვერების, ტროტუარების მოსაწყობად. იგი ხასიათდება სიმტკიცით, გამძლეობით, ვიზუალური ეფექტურობით, ხანგრძლივი ექსპლუატაციის უნარით. დანიშნულების მიხედვით ხდება მისი როგორც ვიზუალის, ასევე სისქის შერჩევა. გაითვალისწინეთ, რომ რაც უფრო სქელია ფილა, მით უფრო გამძლეა და ამტანი სიმძიმეების მიმართ. 2.5 – 3 სმ-ს ფილა გამოიყენება მსუბუქი დატვირთვის დანიშნულების ადგილებში, სადაც მანქანა არ დადის, ხოლო ინტენსიური მოძრაობის გზებზე, ავტოსადგომებსა და სატვირთო ზონებში 8 -10 სმ-ს ფილას იყენებენ. ჩვენთან დამზადებული ფილა (მიუხედავად სისქისა) აკმაყოფილებს შემდეგ კრიტერიუმებს:
✓ უძლებს დატვირთვას მისი ფუნქციური დანიშნულებიდან გამომდინარე;
✓ მდგრადია ცვეთის მიმართ (ნელა იცვითება ზედაპირი მექანიკური ხახუნის შედეგად);
✓ ყინვაგამძლეა (ბეტონის ზედაპირი ისე არის დამუშავებული, რომ გაუძლოს მრავალწლიან ყინვას და არ დაიბზაროს);
✓ ტენიანობის მიმართ მდგრადია (ფილების დაგების ტექნოლოგია უზრუნველყოფს ფილაზე სისველე არ დარჩეს);
✓ არჩევანის მრავალფეროვნება ფორმების მიხედვით (მრავალფეროვანი გეომეტრიული ფიგურები საშუალებას გაძლევთ თქვენთვის სასურველი დიზაინისა და დეკორის მიხედვით შეარჩიოთ პროდუქტი);
✓ ფერების ფართო ასორტიმენტი (პიგმენტების ფართო ასორტიმენტი დაგეხმარებათ შექმნათ გარემო თქვენთვის საინტერესო და მიმზიდველი დიზაინით).
